الفنانة المصرية داليا البحيري تهاجم الفقراء بسبب كورونا: "اللي حيقولي العمالة اليومية حديله بالشبشب"

صحيفة المرصد: أشعلت الفنانة المصرية داليا البحيري، غضب رواد مواقع التواصل بسبب تصريح وُصف بـ"القاسي" ضد الطبقة الفقيرة حين قالت "اللي يقول العمالة غير منتظمة هديلة بالشبشب" وهو ما تم اعتباره إهانة لهم.
وشنت "البحيري" هجوماً ضد المواطنين الذين خالفوا حظر التجوال واضطروا للنزول إلى الشارع بحثا عن مصدر رزق مخالفين قرار عدم التجمع لمنع انتشار فيروس كورونا المستجد.
العمالة غير منتظمة وكتبت "البحيري" عبر "فيسبوك": "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه".
وأضافت مناشدة الرئيس المصري: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية وبقول معظم مش كل بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا".
وتابعت :"وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".
واختتمت قائلة :"لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
هجوم على الفنانة ولم تسلم البحيري من الهجوم عليها فور كتابة هذه الكلمات على صفحتها، حيث اتهمها البعض بأنها لا تعترض على تجمعات زملائها الممثلين الذين يصورون مسلسلات رمضان وتهاجم الفقراء. ‏‎وقال البعض "إن هناك ناس لو لم تذهب العمل يوم لن تجد ما تأكله فرزقهم يوم بيوم فلو لم يتوفوا بالفيروس سيموتون من الجوع".